AQŞ pen Resey ğarış zertteu agenttikteri eki el arasındağı sayasi şielenisterge qaramastan ğarış zertteu salasında kelisimge qol jetkizdi.  Reseydiñ Wlttıq aeroğarıştıq korporaciyası osıdan bir kün bwrın habarlama jariyalap,  AQŞ Aviaciya jäne ğarış basqarmasımen (NASA)  Aydıñ aynalasında halıqaralıq ğarış stanciyasın salu jöninde ıntımaqtastıq ornatqanın mälimdedi. Bwl turalı «Şinhuanıñ» resmi saytı jazıp otır.

NASA naurız ayında Ayğa jaqın ğarıştıq ayaldama saludı wsınğan bolatın. Bwl adamdardıñ ğarışqa qadam basu wzaq merzimdi josparınıñ bir böl3gi deuge boladı. Bir kün bwrın Aestraliyanıñ Adelaida qalasında ötken Halıqaralıq ğarıştıq konferenciya barısında, Reseydiñ  Wlttıq aeroğarıştıq kompaniya basşısı Igor' Komarov jurnalisterge Resey men AQŞ ğarış zertteu wyımdarınıñ atalğan jobada kelisim jasasqanın mälimdedi. Onıñ aytuınşa bağdarlamağa özge elderde qatısa aladı.

Resey ğarış agenttikteriniñ mälimdemesine säykes, Ayğa jaqın ğarış stanciyası jerdegi qazirgi Halıqaralıq ğarışqa wşu stanciyalarınıñ ülgisinde jasaladı. Stanciya qwrılısı 2025 jılğa qaray bastaladı delingen. Joba boyınşa aldımen Ayğa jaqın keñistikte qazirgi täjiribege negizdelgen stanciya qwrlısı 2024-2026 jıldarı arasında bastaluı mümkin. Ekinşi, kezeñde osı ğarış stanciyası arqılı Marsqa älem kemeleri wşırılatın boladı.

Qazirgi kezdegi AQŞ-Resey arasındağı sayasi jağdaydıñ şielenisine qaramastan, eki el ortasında ğarış stanciyasınıñ aynalasında jäne «halıqaralıq tehnikalıq standarttar» boyınşa basqa da is-äreketter jasau üşin ıntımaqtastıqtar damidı. Qazirdiñ özinde taraptar bolaşaq Ay ğarıştıq stanciyalarına qondırğılar ornatu standarttarı turalı kelisimge keldi. Al, aldağı uaqıtta eki tarap Aydıñ orbitasında jäne aydıñ betinde ğılımi jäne tehnologiyalıq qızmetti wyımdastıru jüyesin qwru boyınşa ıntımaqtastıqtı jüzege asırmaq.

“The Qazaq Times”