Qayrat Kelimbetovtıñ sözinşe, "Astana" halıqaralıq qarjı ortalığı qızmetkerleriniñ jalaqısı lauazımına qaray 1 mln teñgege deyin jetetin boladı. Bwl turalı ol Ükimet üyinde ötken baspasöz konferenciyasında jurnalisterdiñ swrağına jauap beru kezinde ayttı. 

"Men Prezident jarlığımen "Astana" HQA" AQ keñesiniñ törağası bolıp tağayındaldım. Jalaqı "Bäyterek" nemese "Samwrıq-Qazına" qorındağıday joğarı emes, az boluı da mümkin. Erejege säykes, biıl bizde bonus ta, premiya da bolmaydı. Al meniñ jalaqıma keler bolsaq uayımdaudıñ qajeti joq, ol tolıqqandı qoljetimdi. Bizdegi jalaqı qızmetkerlerdiñ lauazımına baylanıstı ayına 1 mln teñgege deyin baradı", - dedi Kelimbetov.

Sonday-aq, ol türli swraqtar tuındamas üşin BJZQ direktorlar keñesiniñ müşesi retinde öziniñ zeynetaqı deklaraciyasın jariyalağanın atap ötti.

Bwdan bölek Kelimbetov halıqaralıq qarjı ortalığındağı şeteldik sarapşılardıñ jalaqısı tiisti kompaniyanı qwruğa kömektesetinin atap ötti.

Astana qalasındağı qarjı ortalığı Arab ämirlikteriniñ täjiribesi boyınşa qwrılğan. 2015 jıldıñ mamır ayında EKSPO-2017 körmesiniñ nısandarı ortalıqtıñ negizi bolatını aytılğan edi. Osılayşa "Astana" HQO Ortalıq Aziyadağı iri qarjı ornı bolmaq.

Qayrat Kelimbetov bwğan deyin de HQO jalpı ağılşın zañı boyınşa jwmıs isteytinin birneşe ret aytqan. Onıñ aytuınşa, London, Singapur, Dubay, Katar sındı elderdiñ üzdik täjiribeleri täuelsiz retteuşi jwmısında qoldanılatın boladı.

Alayda ayta keteyik, bizde köp dünieniñ atı darday bolğanmen, istegen isteriniñ şala ekeni belgili. Bir ğana "Samwrıq-Qazına" WÄQ-nıñ özi qarajattı jwmsauğa qatıstı ünemi sınğa qalıp jatadı. Al erteñ HQO-ğa da sın aytılmasına kim kepil?!

“The Qazaq Times”