Malayziyanıñ ortalıq qalası Kuala Lumpurdağı dini mektepterdiñ birinde ört bolıp, oquşılar men oqıtuşılardı qamtığan 24 adamnıñ ömirin jalmadı. Bwl Malayziyada soñğı 20 jılda bolıp körmegen ört apatı dep bağalandı. Bwl turalı BBC-diñ onlayn qızmeti habarladı.

Ört turalı habar beysenbiniñ tañında, sağat 05:40 minut şamasında mälimdelgen. Mektep jataqhanasınıñ terezeleri tügeldey temir torlarmen bekitilgendikten oquşılar men mwğalimder qaşıp şığa almağan.

Policiya taraularınıñ bergen mälimetine süyensek qaza bolğandardıñ işinde 2 oqıtuşı bar, qalğanı derlik 13 pen 17 jas aralığındağı wl bala bolğan. Ört qwrbandarınıñ denesi tolıqtay küyip ketken.

Eldiñ prem'er-ministri Nadjip Razak Twitter paraqşasında apattan qaza bolğandardıñ tuıs-tuğandarına köñil aytıp sabırğa şaqırdı. Örttiñ sebebi äli de tekserilude. Äzirge policeyler örttiñ jataqhana bölmeleriniñ birinen şıqqanı turalı mälimdedi.

“The Qazaq Times”