Saud Arabiyası qauipsizdik qızmetkerleri jattığu kezinde. Foto: Brookings Institution.

Saud Arabiyasınıñ resmi ökilderi seysenbide jasağan mälimetinde, sol eldiñ Qauipsizdik küşteri «Islam memleketteri» terroristik tobınıñ Qorğanıs ministrliginiñ ğimaratına bağıttalğan lañkestik şabuılın aldın alğanın habarladı. Sonımen birge, terrorlıq tobınıñ tıñşıları dep tanılğan küdikti adamdardı twtqındağanın ayttı. Eldiñ qorğanıs ökilderi taratqan mälimette bwl eki jağdaydıñ bir-birimen qatısı bar joğı anıq aytılmağan.  Bwl turalı «Şinhuanıñ» resmi saytı jazdı.

Atalğan eldiñ qauipsizdik qızmetkeriniñ biri eldiñ aqparattıq agenttiginiñ jurnalisterine bergen mälimetke qarağanda, policiya tarapınan tört küdikti qamauğa alınğan. Onıñ işinde Saud Arabiyasında jalğan atpen kirgen yemendik eki azamat ta bar. Qolğa alınğan küdiktilerdiñ jarılğıştardı jäne jarılğış ornatılğan kiimderdi jasağanı anıqtaldı. Bwl äreketterine qarap, olarğa Saud eliniñ  Qorğanıs ministrliginiñ ğimaratına şabuıl jasamaq bolğan degen küdik tağılğan. Reydtik policiya qızmetkerleri, sonday-aq, granatalar men basqa da qaru-jaraqtı qolğa tüsirgen.

Soñğı jıldarı «Islam memleketi» wyımı Saud Arabiyasınıñ Amerika Qwrama Ştattarımen odaqtastığın birneşe ret ayıptadı. Sonımen birge Saud Arabiyası qorğanıs jäne qauipsizdik bölimimen şit mwsılmandarına qarsı zımıran jäne bombalı şabuıldar wyımdastırdı.

Atalğan eldiñ aqparat agenttigi qauipsizdik böliminiñ jasırın derekközderine silteme jasay otırıp, Saud Arabiyası Qorğanıs tarauları jaqında öz işindegi tıñşılıq jüyeni talqandağanın mälimdedi. Bwl tıñşılıq jüyesi şeteldikterge sol eldiñ qorğanıs qwpiyaların aşıp beredi degen ayıptar tağılğan.

Resmi ökilderdiñ biri Reuters agenttigine bergen habarında, bwl birneşe küdiktiniñ şetelge qwpiya aqparat jetkizetinin, sonıñ işinde «Mwsılman bauırlastar» wyımı da bar ekenin aytqan. Saudtıñ Arab eli 2014 jıldıñ naurız ayında «Mwsılman bauırlastar» wyımın terroristik wyım retinde tanitının mälimdedi. Al, biıl mausım ayında Saud Arabiyası bastağan birqatar arab elderi atalğan wyımdı qarjılandırdı dep ayıptap, Katarmen diplomatiyalıq qarım-qatınasın üzgen bolatın.

Sonday-aq, küdiktiler «tıñşılıq jüye basqa eki elmen baylanısqa şıqtı, sol elderdiñ qarjılıq jäne basqa da qoldau türlerin qabılday otırıp, Saud Arabiyasınıñ müddelerine ziyan keltirdi» dep ayıptaldı. Tergeu äli de jalğasuda. Sondıqtan, tıñşılardıñ astasqan elderi turalı tizim äli de jariya etilmedi. Degenmen aqparat közderiniñ aytuınşa, küdiktilerdiñ biri Yemendegi Gusser qarulı küşteriniñ müşesi bolıp şıqqan.

“The Qazaq Times”