Irak Parlamenti Kürdistan avtonomiyasınıñ jeke memleket retinde täuelsizdik alu turalı bastama köterip, osı aydıñ soñına qaray referendum ötkizbek bolğan oyın qoldağan joq. Deputattar Iraktıñ twtastığın saqtap qaluğa dauıs berdi. 

Iraktıñ Ükimet basşısına territoriyalıq twtastıqtı saqtau üşin kelisimderge kelu tapsırılıp, referendumdı boldırmau mindeti jüktelip otır. Osığan deyin AQŞ pen Wlıbritaniya Kürdistan avtonomiyasınıñ basşısın "Islam memleketi" lañkestik wyımına qarsı küres jürgizip otırğan Irakqa qosımşa mäsele turdırmauğa şaqırğan bolatın. Kürd halqınıñ täuelsizdigin qoldamaytındardıñ qatarında Iran men Türkiya da bar.

Iraktağı 37 million halıqtıñ 15-20 payızın qwraytın kürdter memleket işindegi eñ iri tört etnikalıq toptıñ biri. 1991 jılı avtonomiya bolğan kürdter iraktıqtardan irgesin birjola aulaq saluğa alğaşqı qadamın 25 qırküyekte üş audanda belgilengen referendumnan bastamaq.

“The Qazaq Times”