Foto: Egemen Qazaqstan

QR Auıl şaruaşılıq ministrligi şarualar üşin biday bağasınıñ qanday bolatının mälimdedi. Mısalğa, qwramında 32% kleykovina jäne 15% proteini bar 5 swrıptağı bidaydıñ tonnası – 60000 teñge.

2 swrıptağı arpa bağası jetkizu kölemi 1000 tonnağa deyin bolsa, 40000 teñgege, al jetkizu kölemi 1000 tonnadan artıq bolsa, tonnası 41000 teñgege deyin arttı.

Jalpı respublika boyınşa 11,6 mln ga jerden astıq jinalıp, 14,7 mln tonna bastırıldı. Egin jinau qarqını bıltırğı jıldıñ osı uaqıtımen salıstırğanda 2,4 mln ga-ğa nemese 16%-ğa artıq, respublika boyınşa barlıq egistik alqaptıñ 76,7% jinaldı.

QR Auıl şaruaşılığı birinşi vice-ministri Qayrat Aytuğanovtıñ mälimetinşe, Oñtüstik jäne Batıs Qazaqstan, Jambıl oblıstarında masaqtı dändi-daqıldardı jinau ayaqtalğan. Al elimizdiñ soltüstiktegi astıqtı öñirlerinen 10,6 mln tonna astıq jinaldı.

«Arpanı jinau jwmıstarı ayaqtaluda. Qazirgi uaqıtta 1,8 mln ga nemese aumaqtıñ 86% jinalıp, 2,7 mln tonna önim alındı. Maylı daqıldar boyınşa jalpı aumaqtıñ 24% jinalıp, 1,2 mln tonna önim alındı. Bwl körsetkiş bıltırğı jıldıñ köleminen 10%-ğa artıq. Baqşa daqıldarın jinau jwmıstarı da jalğasuda. Almatı, Jambıl, Oñtüstik Qazaqstan oblıstarı boyınşa aumaqtıñ 76% jinalıp, 3,1 mln tonna önim alındı (bıltırğı jıldan 13% artıq). Qant qızılşası bıltırğı jılğa qarağanda 1,5 esege artıq jinaladı dep kütilude», – dedi vice-ministr ükimet otırısında.

Biılğı jılı astıqtıñ jalpı kölemi 19,5 mln tonnanı qwraydı dep boljanıp otır. Soltüstik öñirlerden 15 mln tonna astıq jinaladı dep josparlanuda.

“The Qazaq Times”