QR Qarjı ministrliginiñ Memlekettik kirister komiteti kriptavalyutanı iske qosudıñ bazisi qalay dayındalıp jatqanı turalı ayttı, dep habarlaydı LS.

Komitettiñ mälimetinşe, kriptovalyutağa ötu eldiñ salıq jüyesin oñtaylandıruğa qatıstı şaralar qabıldanğannan keyin jüzege asadı. Sonday-aq, komittettiñ aqparatınşa, eñ aldımen qosımşa qwn salığın äkimşilendiru ayasında blokçeyn tehnologiyasın engizu ayaqtalu kerek. Al bwl jüye QQS-nı qaytarudı avtomattandıradı jäne jemqorlıq pen alayaqtıq isterdiñ aldın aladı.

"QQS-nı qaytarudı jükteu" jobası bankaralıq audarımdardı oñtaylandıradı. Bwl bank jüyesi tiimdiliginiñ artuına äser etedi jäne biznes üşin processing bağasın tömendetu boyınşa qolaylı jağdaylar jasauğa mümkindik beredi", - MKK ökilderi.

Eger blokçeyn tehnologiyasın engizu sätti ayaqtalar bolsa, Qarjı ministrligi salıqtıñ barlıq türlerin äkimşilendiru üşin tehnologiyanı paydalanudı arttıradı.

"Bwl halıqtıñ kiristerin deklaraciyalau procesin oñtaylandıruğa mümkindik beredi. Biznes jürgizude, investiciyalardı tartuda jäne salıq bazasın wlğaytuda eldiñ tartımdılığı artadı. Osı jobalardıñ sätti jüzege asuı jeke kriptovalyutanı paydalanudıñ jaña bazisin qwradı", - deydi vedomstvo ökilderi.

Ayta keteyik, bwdan bwrın  Qazaqstanda arnayı jwmıs tobı kriptovalyuta tranzakciyaların retteytin zañ jobasın äzirlep jatqanı turalı habarlanğan. Jwmıs tobına "Astana" halıqaralıq qarjı ortalığı, "Deloyt", Waves, Juscutum jäne "Kesarev Konsalting" sındı wyımdar kiredi.

“The Qazaq Times”