Käsipqoy boksşı Qanat Islam. Foto: vesti.kz

Qazaqstandıq boksşı Qanat Islam käsipqoy boksta kanadalıq Brendon Kuktı tehnikalıq nokautqa jiberip, jeñiske jetti.

Qanat Islam jekpe-jektiñ birinşi raundınan-aq şiraq qimıldadı. Kezdesudiñ üşinşi raundında joyqın soqqıların döp tigizgen jerlesimiz kanadalıq boksşını nokdaunğa jiberdi. Al besinşi raundta Qanat Islam qarsılasın eseñgiretti. Kanadalıq boksşı segizinşi raundta üşinşi ret nokdaunğa tüsti. Kezdesu ayaqtaluğa üş raund qalğanda Qanat Islam Brendon Kukttı nokautqa jiberdi.

Bwl - Qanat Islamnıñ käsipqoy bokstağı 25 kezdesui. Ol kezdesulerdiñ barlığında da jeñiske jetken. 25 kezdesudiñ 20 jekpe-jegi uaqıtınan bwrın ayaqtalğan.

Brendon Kuk te täjiribeli boksşı. Ol bwğan deyin käsipqoy alañda 19 jekpe-jek ötkizgen. Onıñ 11-inde qarsılastarın nokautpen jeñgen.

Ayta keteyik, Qanat Islam men Brendon Kuktıñ jekpe-jegi Astanada «Sarıarqa» velotreginde ötti.

“The Qazaq Times”