AQŞ-ta ötken jıldıñ soñında bolıp ötken prezident saylauında Hillari Klinton jeñiliske wşıradı. Ol osıdan keyin jwrt közine sirek şığıp jürdi jäne bir retki kezdesude öziniñ kitap jazıp jatqanı turalı aytqan edi. Jaqında ğana onıñ «Qanday ister tudı?» dep atalatın estelikter jinağı jarıq kördi. Atalğan kitapta ol Obama, Saunders, Komi jäne basqa da twlğalardı öz jeñilisiniñ bastı «ayıpkerleri» etip körsetken. Bwl turalı CNN arnasına silteme jasay otırıp, «Şinlañ» aqparattıq saytı jazdı.

Eki kün bwrın atalğan telearna Hillaridıñ kitabı kelesi aptada keñ kölemde satılımğa şığarılatını turalı habarladı. Ol bwl eñbeginde öziniñ sätsizdikteri turalı talday kelip: «Keybir ister özimniñ qatelikterimnen boldı. Al, keybir problemalar meniñ baqılauımda emes edi», – dep jazğan.

Hillari Klinton öziniñ estelikter jinağında özinen ketken qatelikter sätsizdiginiñ bir sebebi ekenin moyındağan. Alayda, Saylaudıñ eñ soñğı aptasında Komidiñ elektrondı poştanı qaytalay tekseru isi saylaudıñ nätijesin tübegeyli özgertkenin aytadı. Ol kitabında Komidiñ osı bir «qazımırlığı» onıñ twraqtı liderlik salauatınan ayırıp, küdikti dauğa ilingen sayasatkerge tüsirip qoyğan. Ol sonday-aq, Obamanı AQŞ prezidenttik saylauına Reseydiñ aralasuına tiimdi jauap bermegen dep ayıptadı. Mine osınıñ bäri Hillaridıñ jeñilisine äser etken.

Al, Fox News arnasınıñ saytında jariyalanuınşa, Hillari "Partiya işinde alğaşqı saylau kezinde, Saundrestiñ alğaşqı maydanınan aynıp ketkeni de jeñilisiniñ mañızdı bir sebebi" dep biletini turalı aytqan. Mine osı negizgi sebepterden sırt, Hillari keybir amerikalıq azamattardağı «jınıstıq kemsituşiliktiñ» de özine sätsizdik alıp kelgenin meñzeydi. Hillari öziniñ AQŞ-tıñ «birinşi hanımı», senator, eki ret prezident saylauınıñ ümitkeri bola twra, amerikalıqtarğa wnamağanın kitabında – «Sebebi, mwnıñ bäri meniñ äyel bolğandığımnan», – dep tüsindiredi.

Sonday-aq, onıñ taralğalı twrğan eñbeginde öziniñ qızmet kezindegi saparları, kezdesulerinen tıs, otbasımen, jwbayı Klintonmen bolğan keñesteri de qamtılğan. Qazirgi kezde, AQŞ üydiñ işki dau-damayına qızığuşı  amerikalıq oqırmandar Hillari Klintonnıñ «Qanday ister tudı?» attı eñbegin asığa kütip otır.

“The Qazaq Times”