6 qırküyek küni Pentagonnıñ lauazımdı twlğası AQŞ-tıñ Auğanstanğa 3500 äskeri jiberetini jönindegi mälimetti tolıqtay rastadı. Sonımen AQŞ-tıñ Auğanstanda 14 mıñ 500 jauıngeri bar. Auğanstandağı äskeri küşterdiñ sanın wlğaytu Donal'd Tramptıñ Oñtüstik Aziya jäne Orta Şığıstağı sayasatınıñ mañızdı bir bölegi sanaladı. Bwl turalı «Şinhua» agenttigi habarlağan bolatın.  

Al, Reuters agenttiginiñ 6 qırküyektegi habarında, atın aytqısı kelmegen birneşe AQŞ lauazımdılarınıñ sözine silteme bere otırıp, Qorğanıs ministri Jeyms Matiss, Birlesken ştab törağası Jozef Danford, Memlekettik hatşı Reks Tillerson jäne Wlttıq barlau jönindegi direktor Den Kotc parlamenttiñ keybir müşelerimen bas qosıp, Auğanstandağı Tramptıñ jaña strategiyasınıñ negizgi elementteri turalı keñes ötkizgeni turalı habarlağan edi.

ABC arnasına bergen mälimetinde de Reks Tillerson Auğanstanğa jiberiletin äskerler sanı 3500 ekenin rastadı. Alayda, Pentagonnıñ qızmetkerleri bwl isten beyhabar ekenin aytadı.

2001 jılı 11 qırküyekte bolğan oqiğadan keyin, AQŞ ükimeti Usama ben Laden jetekşiligindegi «äl-Kaida» wyımına qarsı äskeri äreketke şeşim qabıldadı. Alğaşqı adımda AQŞ-tıñ 100 mıñnan astam äskeri Auğanstanğa kirdi. Alayda, bwl qadamnan keyin AQŞ ükimetine işki-sırtqı qısımdar artıp ketti. Köptegen adamdar ükimetke bwl qımbat äskeri äreketti toqtatuğa wsınıs tastadı.

2014 jıldıñ soñında, AQŞ-tıñ jetekşiligindegi Soltüstik Atlantikalıq Şart Wyımı Auğanstandağı Halıqaralıq Qauipsizdik Kömek küşi jedel missiyasın ayaqtadı. Auğanstannıñ qauipsizdik küşteri jattığuları men qwral-jabdıqtarmen qoldauğa oyıstı. Bastapqı josparğa säykes, Auğanstandağı AQŞ äskeriniñ sanı 2016 jıldıñ soñına qaray 1000 adamğa deyin qısqartılatın bolğan. Biraq bwl qısqartudı AQŞ-tıñ bwrınğı prezidenti birneşe ret bäseñdetip keldi.

«Reyter» agenttigi habarına süyensek, Auğanstan soğısında AQŞ-tıñ 2300-den astam jauıngeri qaza tapqan jäne 17 mıñnan astam adamı jaraqat alğan eken.

“The Qazaq Times”