Foto: hqwallpapersgalaxy.com

Qazaqstan men Birikken Arab Ämirligi qazaqstandıq azamattar üşin Ämirlikterge vizasız kiru tärtibin talqıladı. Bwl turalı QR Sırtqı ister ministrliginiñ baspasöz qızmeti habarladı. 

Ministrliktiñ mälimetinşe, qazaqstandıq tarap jalpıazamattıq pasporttarın ielenuşi eki memleket azamattarınıñ 30 künge deyin vizadan bosatıluın közdeytin qwjattıñ küşine enui üşin memleketişilik räsimderdi ayaqtadı. Bwl jöninde Qazaqstannıñ Birikken Arab Ämirlikterindegi Elşisi Qayrat Lama Şarif BAÄ SİM Konsuldıq qızmet departamentiniñ direktorı YAser aş-Şimalimen bolğan kezdesude mälimdedi.

Öz kezeginde YAser aş-Şimali Ämirlikter tarapı da Qazaqstan azamattarınıñ BAÄ-ge vizasız baruına mümkindik beretin qol qoyılğan eki jaqtı hattamanıñ küşine enui üşin memleketişilik räsimderdi ayaqtaluğa jaqın ekenin habarladı.

2017 jılğı qırküyekte BAÄ Ükimetiniñ qaulısı bekitilgennen keyin Ämirlikterdiñ barlıq memlekettik organdarı, sonday-aq Äbu-Dabi, Dubay jäne basqa ämirlikterdiñ halıqaralıq äuejayları bwl turalı aqparat aladı jäne özderiniñ işki erejelerine tüzetuler men özgerister engizedi.

BAÄ SİM KQD Direktorınıñ pikirinşe, Qazaqstan azamattarı üşin Ämirlikterge vizasız kiru tärtibi şamamen 2017 jılğı qazan-qaraşada küşine enedi.

“The Qazaq Times”