Prezident Donal'd Tramp pen Kongrestiñ arasındağı turbulentti (qwbılmalı, är bağıttağı) qarım-qatınas jaña deñgeyge jetti. Eger onıñ Meksika şekarasına qabırğa twrğızu isine qarjılandıru mindettemesi orındalmay jatsa, zañ şığaruşılar bwnı zañ arqılı bekituge äzir.

Tramp jäne Senat ökilderiniñ lideri Mitç MakKonnell (Mitch McConnell) qatınastarı birneşe apta ötse de bwl mäseleden aynalıp ötti. Senat basşısı bolsa, Tramptıñ zañnamalıq kün tärtibin jetildirude soñğı röl oynadı.

«N'yu-York Tayms» (The New York Times) basılımınıñ tañğı jañalıqtar qatarında AQŞ-tıñ Auğanstanda äsker sanın köbeytui turalı taqırıp qozğaldı. Atalğan basılım «Auğanstan soğısı üşinşi amerikalıq prezidentti wyatqa qaldırdı» dep jazdı. Basılımnıñ bügingi sanında 16 jıldan beri Auğanstanda mindetin ötegen AQŞ jauıngerleriniñ ömiri turalı kölemdi saraptama jariyalandı.

Saraptamada: «Auğanstandağı amerikalıq soğıs - Qwrama Ştattar tarihındağı eñ wzaq jäne eñ qımbat äskeri operaciyalardıñ biri. Degenmen, talibterden eldiñ köptegen bölikteri tazartıldı. Biraq, Taliban men «Islam memleketi» siyaqtı jaqtastarı jauıngerlerimizge jii şabuıl jasaydı», – delingen.

Soğıs turalı zertteu institutınıñ Auğanstandağı sarapşısı Keytlin Forrest "Auğanstan armiyasında äli künge deyin Talibannıñ baqılauındağı  ülken aumaqtardı qaytarıp aluğa qajetti jwmıs küşi de, jabdıqtar men jattığuları da jetkiliksiz" dep körsetti. Prezident Tramp düysenbide Auğanstanğa soğıs qaqtığısın ayaqtau strategiyasınıñ bir böligi retinde qosımşa äskerler jiberetinin jariyaladı.

Degenmen, Tramptıñ jasağan josparı Barak Obamamen wqsas bolıp şıqtı. Aytalıq, terrorizmge qarsı küreste auğanstandıq äskerlerdi tärbielep jwmsauğa köbirek basımdıq beredi. Biraq, Tramptıñ kötergen wranı Obama kezindegiden jağımdı estiledi. Ol: «Biz memleketti özgertpeymiz, tek terroristerdi joyamız», – degen bolatın.

Ayta keteyik, Kabulda mamır ayınan beri 150 adamdı öltirgen lañkestik şabuıldar AQŞ-tıñ 2001 jılı bastalğan şabuılınan bergi eñ köp ölim-jitim bolğan şabuıl edi.

“The Qazaq Times”