Beyjiñ universitetiniñ (Peking University) jasağan zertteu qortındısı boyınşa, 2020 jılğa barğanda Qıtay halqınıñ 50 payızı miopiya (alıstan köre almauşılıq) auıruına şaldığadı eken. Bwl turalı sol eldiñ «Şinlañ» agenttiginiñ resmi saytı habarladı.

Atalğan universitettiñ ğılımi zertteu tobı jürgizgen tekseru nätijesi boyınşa, 2020 jılı alıstan köre almau auıruına şaldığatın qıtaylıqtar sanı 70 mln-ğa artadı. Mwnıñ bastı sebebi retinde jastar men jasöspirimderdiñ mektepten tartıp joğarı oqu ornına deyingi üyrenuge, türli emtihandarğa böletin uaqıtınıñ köptigin alğa tartuda. Al qosımşa faktorlar retinde közge ziyandı twrmıstıq ädetter jäne kün sayın artıp kele jatqan komp'yuter, wyalı telefon qatarlı tehnologiya qoldanılu uaqıtınıñ wzaqtığı dep körsetti.

Zertteuşiler osılardıñ arasında telefonnıñ adam közine eñ köp ziyan keltiretindigin erekşe eskertti. Telefon ekranına qarap jwmıs isteu uaqıtı 24 sağat işinde 55 minuttan assa, 2-3 jıl işinde adamnıñ alıstan körmeu auıruına şaldığatının aytıp otır.

“The Qazaq Times”