Италия 3 маусымнан бастап Еуроодақ елдеріне шекарасын ашпақ. Бұл туралы ВВС хабарлады.

Егер эпидемиологиялық жағдай нашарлайтын болса, бұл мерзім кейінге шегерілуі мүмкін. Италия Еуроодаққа кірмейтін елдердің қонақтарына кем дегенде маусымның ортасына дейін жабық күйінде қала бермек. Бұл шектеудің қашан және қандай жағдайда алынып тасталатындығын Еурокомиссия шешетін болады.

Коронавирус пандемиясы тараған уақытта Италия Еуропадағы індет ошағына айналған болатын. Қазір елде 62 752 адам ем қабылдап жатыр. 132 282 адам сауығып шықса, 32 мыңнан астам көз жұмған.

"The Qazaq Times"