Мысыр қауіпсіздік күштері Каир қаласындағы Түркияның «Анадолы» ақпараттық агенттігінің бөлімшесіне басып кіріп, 1 түркиялықты қамтыған 4 қызметкерді тұтқындаған. Осыған байланысты Түркия президентінің баспасөз қызметі, СІМ тарабы және Каммуникация басқармасы Мысырға айыптау хатын жолдады.

«Каирдағы бөлімшеге шабуыл жасап, қызметкерлерді қамауға алу Мысырдың төңкерісшіл үкіметінің әлсіздігін көрсетеді», – деген Түркия Коммуникация басқармасының төрағасы Фахреттин Алтун.

Түркия Сыртқы істер министрлігі Каирға айыптау хатын жіберді және Түркиядағы Мысыр елшісі түсінік беруге шақырылған.

Бұл іске қатысты Мысыр қауіпсіздік қызметі мәлімдемесінде ұлттық қауіпсіздікке және құқық бұзушылық әрекеттеріне байланысты аталған агенттік қызметкерлері тұтқындалғанын мәлімдеген.

“The Qazaq Times”