Иракта Ресей азаматы өлім жазасына кесілді - деп хабарлайды Неміс толқыны ақпарат агенттігі.

Қыркүйектің 12-сі күні Бағдад қаласының орталық соты «Ислам мемлекеті» лаңкестік ұйымына қатысы бар деген күдікпен ұсталған Ресей азаматын кінәлі деп тауып, өлім жазасына кескен. Жергілікті БАҚ өкілдерінің мәліметінше, Ресей азаматы шілде айында Мосул қаласында қолға түскен. Тергеу барысында РФ азаматы 2015 жылдан бері «Ислам мемлекеті» террорлық ұйымының құрамында Ирак аумағында соғысқанын мойындаған.

Айта кететін бір жайтғ сот үкімі әзірге күшіне енбіген, себебі Ирак заңы бойынша, сотталушы Бағдад қалалық сотының шешімімен келіспейтінін айтып, Жоғары сотқа шағымдануға құқығы бар.

“The Qazaq Times”