Қазақстанда 2019 жылдың 1 қаңтарынан бастап телефондарын ЖСН нөмірі бойынша тіркемеген абонеттерге қызмет көрсетілмейді. Мұны ақпарат және коммуникация министрі Дәурен Абаев есеп беру жиынында айтты.

Ведомство басшысы аталған өзгеріс қалтафондардың ұрлығына тосқауыл қояды дейді. Өйткені, заң органдары қазір қолды болған телефондарды IMEI-код арқылы да таба алмай әлек. Егер абонеттер байланыс құрылғыларын жеке куәліктегі 12 сандық нөмір бойынша тіркесе, онда ұрыларды қолға түсіру жеңілдейді екен.

“The Qazaq Times”